C3.3 Zane Da Kwalliya Da Tufafin Hausawa

 

Ɗalibai su ba da bayanin zane da kwalliya daban-daban, su tantance ire-iren zane da salon kwalliya da tufafi, su bayar da bayanin zane da kwalli da tufafi. A yi amfani da hotuna da jadawali zane da kayan kwalliya da sarƙa da murjani da awarwaro da malafa da hula wajen koyar da ɗalibai. Daga ƙarshen darasi, ɗalibai su amsa tambayoyi.

 

Zane

Zane ko Tsagar ado, ko kuma shasshawa, akan yi ta ne domin kawa da karin kwalliya domin fuska ta yi kyau ko kuma wani bangare na jiki wanda zai iya daukan ido. Bisa al’adar Bahaushe, a kan yi zane a fuska ko wasu ɓangarori na jiki don bambance zuri’ar wannan gida da wancan gida. Amma wasu lokutan akan yi zane a jiki domin neman magani bisa wata cuta da ta kama wanda aka yi wa zanen, misali, idan ciwon kai ya addabi jariri ko babba a kan yi masa fashin goshi don a samu sauƙin ciwon kan.

Ga misalan irin zane da ake yi don bambance zuri’a:

1.    Bille

2.    Gassgawa

3.    Kwale

4.    ‘Yar baki

5.    Kalangu

6.    Kwalliya

7.    Kitso

8.    Kwalli

Kwalliya

Bayan wannan zane da ake, a kan yi wasu kalolin zanen don kwalliyar jiki, ga misalan wasu daga cikin zane da ake yi a jiki don kwalliya:

1.    Kitso (Wannan mata ke yinsa don yin kwalliya bisa kai ta hanyar yin zanen kitso da gashin kai)

2.    Lalle wato ƙunshi

3.    Aski (Wannan maza ke yinsa don yin kwalliya bisa kai ta h

4.    anyar cire gashin dake saman kai)

 

Kayan Kwalliya

Bayan zane na jiki da kuma kwalliyar jiki, akwai kayan kwalli da ake amfani da su don ƙara ƙawata jiki ya samu gamshashiyar kwalliyar da ake buƙata, Bahaushe yak an yi amfani da kayan kwalliya.

 

Ga misalin wasu daga cikin kayan kwalliyar Bahaushe:

1.    Sarƙa

2.    Ɗan kunne

3.    Murjani

4.    Tsakiya

5.    Jigida

6.    Awarwaro

7.    Takalmi

8.    Agogo

9.    Munduwa

10.                       Malafa

11.                       Hula

 

Dukan waɗannan ana sanya su a jiki ne domin ƙawata jiki da gamsasshiyar kwalliya, akwai waɗanda maza ke sanyawa kamar ‘hula’ akwai kuma wanɗanda mata ke sanyawa kamar ‘sarƙa’, akwai kuma waɗanda maza da mata na sanyawa kamar ‘agogo’.

 

Bayanin Zane Da Kwalliya Da Tufafi

Bisa al’ada ana yin zane don a nuna bambanci tsakanin zuri’a amma an fi yi zane domin kwalli, musallam mata kan yi zane wato tsaga a fuska ko jikinsu domin su ƙawata kan su, haka kuma ana a kan yi kwalliya da ado da wasu kaya kamar: agogo, sarƙa, zobe, awarwaro, jigida, takalma, agogo da sauransu.

Yanzu kuwa da zamani ya zo, mata kan yi shafe-shafe da mai ko wani sinadari domin yin kwalliya, a kan yi gazar, a yi jambaki, a yi ja gira don a ƙawata fuska. Yanzu kuwa mata ba su cikayin zane ba wajen yin kwalli.

Bayan waɗancan, a kan yi kitso ko aski domin yin kwalliya bisa kai, akwai nau’I kitso da dama waɗanda mata ke yin zane saman kansu domin kwalliya.

Daga ƙarshe kuwa, a kan sa tufafi, domin ƙarasa tabbatar da fitowar kwalliya, kamar yadda ƙabilu suka bambanta wajen yin zane da kwalliya haka kuma sun bambanta wajen saka tufafi, wasu kan san ya atamfa wasu su saƙa leshi ko lifaya ko jallabiya ko  a ɗinka shadda ko yadi. Akwai kala-kalar tufafi da ake ƙwata jiki da shi.

 

Aikin Aji

1.    Ba da bayanin ire-iren zane da kwalliya da tufafi?

2.    Kawo bambancin zane da kwalliya da tufafi guda uku?

3.    Yi bayanin zane da kwalliya da tufafi?