A3.1 Gabatar Da Rubutun Wasiƙa: Marubuci Bello Hamisu Ida

 

Gabatar Da Rubutun Wasiƙa

A koyar da xalibai yadda ake fara rubuta wasiƙa, su tantance yadda ake rubutun wasiƙa, xalibai su san ma’anar wasiƙa sannan su bada misalin rubutun wasiƙa, a jagoranci xalibai su cike gurabun dake cikin wasiƙa. A yi masu tambayoyi sannan a tabbatar sun bayar da amsoshi. A yi amfani da litattafai da katuttuka da samfurin wasiƙa.

Ma’anar Wasiƙa

Wasiƙa na nufin rubutaccen saƙo ko bugagge wanda ake sakawa cikin ambulan sannan a aika saƙo ga wani mutum ko ƙungiya ko hukuma da sauransu. 

Muhimmancin Wasiƙa

·       Ana rubuta wasiƙa don aikawa da gaisuwa ko wani saƙo na musamman.

·       Ana sanar da labarai ga waxansu mutane da ke nesa ta hanyar wasiƙa.

·       Ana rubuta wasiƙa don ƙulla cinikayya ko wata harkar kasuwanci.

·       Saƙon wasiƙa yafi na baki inganci saboda shi babu ƙari ko ragi a cikinsa.

Muhimman Abubuwa Wajen Rubuta Wasiƙa

Muhimman abubuwan da ya kamata a sani kafin rubuta wasiƙa su ne kamar haka;

 

Adireshi: Adireshi yana ƙunshe da lambar gida da sunan layi da sunan unguwa da lambar akwatin gidan waya, da sunan ƙaramar hukuma sai sunan jiha, daga ƙarshe sai a saka kwanan wata. Haka kuma, ana rubuta adireshi ne a hannun dama na takardar da aka rubuta wasiƙa a samanta.

 

Gaisuwa/Gabatarwa: Gabatarwa ita ce farko a cikin wasiƙa, bayan an rubuta adireshi, ana farawa da gaisuwa a cikin wasiƙa sannan gabatar da kai.

 

Gangar Jiki: Gangar Jikin wasiƙa ita ce inda mai rubutu zai yi bayanin dalilin da yasa aka rubuta wasiƙa da kuma ra’ayinsa da buƙatarsa.

 

Rufewa: rufewa ita ce a ƙarshen wasiƙa, ana rufewa ne da sallama.

Misalin Wasiƙa:

Wasiƙar da Malam Bello ya tura wa xansa mai suna Abdallah:

Jimlolin da za ayi amfani da su:

Fatan alƙairi.

Gaisuwa mai tarin.

Kimiyya da Fasaha.

Ilimin sanin xan’adam.

Rubuto maka wannan wasiƙa.

Iissafi da kimiyya da Ilimin tsirai da dabbobi.