Ban Dariya: Hattara Dai Mata

Daga: Hauwa'u Bello

Wasu 'yan  fashi ne suka shigo wani gida sai suka iske mai  gidan, suka tambaye shi kuɗi,

 ya ce; babu kuɗi,   kawai sai  ɓarayin suka gyara bindigar su za su harbi mai gidan,

Sai  matar sa tayi wuf ta tsaya a gaban sa,

 Sai suka harbe ta.

Bayan ɓarayin sun tafi aka kai ta asibiti,  ta yi jinyar wata 10  a  asibiti,   sannan ta samu lafiya,  aka sallamo ta. Tana  zuwan ta gida,  sai ta tarar da wata kyakykyawar budurwa a gidan,  ta tambaye ta tace,

“Ke kuma daga ina?”

Sai ta ce,  “Ni ce amaryai gidan,   ai yau wata na tara 9 da ‘yan kwanaki”.

“Ke kuma wace ce ke?”  ta tambayi uwargida.

Idan ke ce ya zaki yi ?