Wani Yaro Ɗan Shekara 14 Ya Kashe Kansa

Daga: Muhammad Abdallah 

BAUCHI, NAJERIYA — Wani yaro da ya fito daga ƙaramar huumar Ningi wanda bai wuce shekara goma sha huɗu ba ya kashe kansa, rundunar ƴansandan jihar Bauchi ta tabbatar da mutuwar wannan yaro.

Mai magana da yawun rundunar ƴan sandan jihar Bauchi Ahmed Wakil ya tabbatar da faruwar al’amarin inda ya ƙara da cewa, yaron ya kashe kansa ne ta hanyar rataye kansa a wani kangon ɗaki.

Mahaifin yaron ne ya sanar da ƴansanda abinda ya faru da ɗansa kafin daga bisani su je inda gawar yaron take, kafin yaron ya rasu, yana fama da taɓin ƙwalwa rashin lafiyar da ake tsammani ta yi silar mutuwarsa.

Ɗansanda Ahmed Wakil ya ƙara da cewa,

“Bayan sanar da ƴan sanda nan take jami'anmu suka inda al’amarin ya faru kuma aka ɗauki yaron zuwa babbar asibitin Ningi amma aka tabbatar da ya mutu.”

Rundunar ƴan sandan Bauchi ta ce ta ƙaddamar da bincike domin gano dalilin da ya sa yaron ya kashe kansa.

Ana yawan samun mace-mace a ɗan lokuttan nan ta hanyar kashe kai lamarin da yake jan hankalin duniya.

Wasu Labarai

1. 1. Najeriya Ce Ƙasa Ta Farko Dake Da Yara Miliyan 13 Maras Sa Zuwa Makaranta A Faɗin Duniya
      
   2. Bayan Rashin Lafiyar Maryam Yahaya Sai Kuma Me Ya Faru da Ita?
      
   3. Hisbah ta Kama wasu mutane da ake zargi da yin auren jinsi