Sunan Angon Hafsat Idris, Mukhatar Hassan Hadi, To Kenan Ba Ɗan Abacha Ta Aura Ba

 Daga: Hauwa'u Bello

KANO, NAJERIYA — Jiya ne aka wayi gari da wani abun Allah san barka, tare da taya Hafsat Idris murna da fatan alƙairi bisa auren da ta yi. Saidai an samu tangarɗa wajen yaɗa zancen mijin da ta aura inda wasu da dama suka yi da yaɗa cewa ta auri ɗan Sani Abacha, kodayake Mujallar Film ta tabbatar da cewa wata aminiyarta ce ta sanar da su cewa Hafsat ta auri ɗan gidana Abacha duk da yake bata ambaci asalin sunan wanda ta aura ba.

Saidai a jiya ne Mujallar Film ta ƙara tabbatar da cewa ba ɗan Sani Abacha bane angon Hafsat. Arewa News ta tattauna wa wani makusancin editan Mujallar mai suna Hafiz Adam Koza, wanda editan ya tabbatar masa da ingancin rahoton da suka sake samu na asalin wanda Hafsat ta Aura.

Haka kuma, Mujallar Film ta ruwaito cewa, Muktar Hassan Hadi shi ne angon Hafsat Idris, kuma shi ne wanda aka ɗaura mata aure da shi a asirce, ba ɗan Sani Abacha ba kamar yadda aka wallafa daga farko.

Bayan bayyanar labarin ne, sai Hafsat ta kira wakilan Mujallar Film sannan ta jadadda masu cewa ba ɗan gidan Abacha ne ta aura ba, haka kuma ta sake wallafa wani saƙo a shafinta na Instagram inda ta ce,

“Assalamu Alaikum, Ina mika sakon godiya ta ga dukkanin masoyana, ‘yan uwa da abokan arziƙi bisa fatan alƙairi da suka yi mani, saidai ina so na yi magana a kan raɗe-raɗin dake yawo musamman bloggers dake ta update a kai na cewa mijin da na aura na da alaƙa da gidan Abacha, to wannan ba gaskiya ba ne, ba shida alaƙa da su. Na gode.

Hafsat ta tabbatar da cewa bababn ɗan Sani Abacha wato Alhaji Mohammed Abacha shi ne ya damu a kan rahoton da aka rubuta wanda ke cewa Hafsat ta auri ɗaya daga cikin ɗan Sani Abacha. Haka kuma ta buƙaci a cire duk wani rahoto dake da alaƙa da aurenta da ɗan Sani Abacha. Saidai da aka tambaye ta ko za ta yi wani ƙarin bayani, sai ta ce,

“Babu wani bayani da zan ba ku…”

Mahaifin angon, shi ma ya tabbatar da cewa, ɗansa ne Hafsat ta aura. Daga bisani dai Mujallar Film ta sabunta rubutun farko da ta yi sannan ta sace yin wani rahoto a kan sabon labarin da ta samu. (Arewa News) www.arewanews.org.ng ko www.arewa.com.ng

 Wasu Labaran Kannywood

Me Yasa Hafsat Idris Ta Ɓoye Aurenta?

Da Gaske Ne Yau Za a Ɗaura Wa Aisha Tsamiya Aure?

Bayan rashin Lafiyar Maryam Yahaya Sai Kuma Me Ya Faru Da Ita?