Sanata Rabiu Musa Kwankwaso ya ƙirƙiri Sabuwar ƙungiyar Siyasa

Daga: Hauwa'u Bello

ABUJA, NAJERIYA - Sanata Rabiu Musa Kwankwaso shi ne wanda ke jagorantar babban taro dake gudana na wasu manyan ‘yan siyasar Najeriya a ƙarƙashin wani yunƙuri da ka yiwa taken The National Movement wato TNM.

Wasu sanannun mutane ne ke gabatar da taron cikinsu akwai Alhaji Tanko Yakasai da Rufa’I Alkali da Buba Galadima da Aminu Ibrahim Ringim da Idris Wada da tsohon Gwamnan garuruwan Jigawa da Kogi.

A wajen taron Sanata Rabiu Musa Kwankwaso dake Jam’iyyar PDP ya ce, wasu ‘yan Najeriya masu kishi da suke zaune a gida da kasashen waje suka ƙirƙiri wannan tafiya tasu mai albarka, ya ƙara da cewa, su waɗannan mutane ‘yan Najeriya sun damu sosai da ci gaban ƙasarsu, sun kuma damu sosai da abinda ke faruwa a cikin ƙasar, wannan ne yasa suka haɗu don su ceto ƙasarsu daga mawuyacin halin da ta shiga.

Ƙungiyar za ta duƙufa sosai wajen farfaɗo da tattalin arziƙin ƙasa da ingata rayuwa da samar da abubuwan more rayuwa da kuma kawo ci gaba a cikin birni da karkara.

Sanata ya ce, sun shirya tsaf don tunkarar matsalra tsaro da ta addabi Najeriya.

Wasu Labarai

1. Abba Kyari Ya Musanta Zargin Da Ake Masa Na Safarar Miyagun Ƙwayoyi
   
2. APC Ta Sake ɗage Babban Taronta Na ƙasa
   
3. Mata Sun Yi Barazanar Barin Yin Kayan Ɗaki Saboda An Rage Yawan Lefe