Mutanen Garin Ƴar Katsina Dake Zamfara Na Neman Ɗauki Bayan Sace Mata Da Yara

 Daga: Muhammad Abdallah

ZAMFARA, NAJERIYA — A wani gari dake cikin Jihar Zamfara, garin mai suna ‘yar Katsina al’ummar garni sun yi kira ga hukumomi da jami’an tsaro da su kai masu ɗauki saboda su samu kuɓuta daga hannun ɓarayin daji. Ɓarayin dajin dai sun sace yara da mata masu yawa, waɗanda aka sace ɗin sun kai kwana goma sha takwas a hannun ɓarayin.

Ɓarayin ɗai sun kai hari a garin ne ranar biyar ga wannan wata inda suka sace mata da yara masu yawa waɗanda ake hasashen za su kai ɗari ɗaya sannan suka shige daji da su, daga bisani dai sun sako tsiraru daga cikin mutanen.

Rundunar ‘yansanda ta jihar Zamfara ta ce, bata da tabbaci kan adanin mata da yara da aka sace a garin ‘yar Katsina, amma tana iyakacin ƙoƙarinta don ganin ta kuɓutar da waɗanda aka sace daga hannun ɓarayin daji.

Wasu Labarai

1. APC Ta Sake ɗage Babban Taronta Na ƙasa
   
2. Mata Sun Yi Barazanar Barin Yin Kayan Ɗaki Saboda An Rage Yawan Lefe
   
3. Barayin Daji Sun Yanka Wasu Mutane