Rundunar Sojin Najeriya Ta Mayar Da Martani Kan Kalaman Sheikh Dr. Ahmed Gumi

 #Arewanews

Daga: Muhammad Abdallah

09 Janairu, 2022

ABUJA, NIJERIYA - Bangaren Dr. Ahmed Gumi ya yi zargin cewa, Jiragen Yaqin Nijeriya na jefa bama-bamai a kan mutanen da basu ji, basu gani ba a yankin Arewa maso Yammacin qasar, inda ke fama da tashe-tashen hankulla da varayi masu satar mutane don karvar kuxin fansa, rundunar sojojin samar ta qasar ta maida amrtani kan zargin.

Mai magana da yawun Dr. Ahmad Gumi, wato Mallam Tukur Mamu ya yi zargin cewa, jiragen yaqin saman qasar na jefa boma-bomai kan wasu mutane a yaqin da rundunar take yi da varayin daji.

Mallam Tukur Mamu yana cikin tawagar Dr. Gummi da suka zagaye dazukan Arewacin Nijeriyar, don yaxa wa’azi da kuma yin da’awa ga varayin daji da kuma sauran qauyawa da suke zaune cikin daji. Qauyawan sun yi koken cewa, ba kan varayin aje jefa bam ba, sau da yawa ana jefawa bisa mutanen da basu ji ba, basu gani ba.

Mallam Mamu ya nemi gwamnati ta xauki hanyar sulhu da varayin dajin ta hanyar gano ainihin musabbin wannan tarzoma don magance shi baki xaya.

Amma Hedkwatar rundunar mayaqan saman Nijeriyar ta ce, wannan zargi ne da bai da tushe balle makama da kuma ke nuna wasu mutane basa farin ciki da nasarar da ake samu a yaqi da yan bindigar.

Kakakin Rundunar mayakan saman Najeriya Air Commododore Edward Gabkwet, ya shaidawa muryar Amurka cewa kafin jiragen yaqi su kai hari sai an tabbatar da ainihin inda yan varayin suke ta hanyoyin tattara bayanan sirri a kimiyance ta yadda ba yadda za a samu wanda basu aka nufa da harin ba.

Wasu Rahotanni

1. Osinbajo Ya Tafi Ghana Don Wakiltar Shugaba Buhari A Taron Ecowas
   
2. Buhari Ya Nemi Mutanen Zamfara Su Ƙara Haƙuri
   
3. Wa Ya Ci Amanar Wani: Gwamna Masari Ko Sanata Babba Kaita?
   

Garuruwan Katsina da Kaduna da Zamfara da Sokoto da Kebbi na fama da hare-haren varayin daji masu satar mutane don karvar kuxin fansa. Amma Jami’an tsaro da gwamnati na iyakacin qoqarinsu don kawo qarshen wannan tashin hankali a Arewacin Nijeriya.