Osinbajo Ya Tafi Ghana Don Wakiltar Shugaba Buhari A Taron Ecowas

#Arewanews

Daga: Muhammad Abdallah

09 Janairu, 2022

ZAMFARA, NIJERIYA - Mataimakin Shugaban Nijeriya Farfesa Yemi Oisnbajo ya tafi Accra babban birnin ƙasar Ghana domin wakiltar Shugaba Muhammadu Buhari a wani taro na musamman da Ƙungiyar Bunƙasa Tattalin Arzikin Ƙasashen Yammacin Afrika wato ECOWAS ta shirya.

Mai magana da yawun mataimakin shugaban ƙasar wato Laolu Akande ne ya fitar da sanarwar inda ya ce,

Shugabannin ƙasashen yammacin Afrika za su tattauna a wajen taron kan batun siyasar ƙasar Mali.

Bashi kaɗai ya tafi ba, mataimakin shugaban ƙasan Farfesa Osinbajon ya tafi tare da ƙaramin Ministan Harkokin Waje na Nijeriya wato Ambasada Zubairu Dada, za su dawo a yau Lahadi.

Ko a watan Nuwamba na shekarar 2021 sai da Mista Osinbajo ya je Accra don tattaunawa kan batu na siyasar Mali da kuma ƙasar Guinea.

Wasu Rahotanni

1. Buhari Ya Nemi Mutanen Zamfara Su Ƙara Haƙuri
   
2. Wa Ya Ci Amanar Wani: Gwamna Masari Ko Sanata Babba Kaita?
   
3. Ɓarayi sun sace tsohon jami'in kwastam a Nijeriya
   

Goodluck Jonathan shi ne mai shiga tsakani na ƙungiyar ta ECOWAS shima ya tafi Mali a ranar 5 ga watan Janairun 2022 don tattaunawa da hukumomin ƙasar Mali kan batun jadawalin miƙa mulki ga farar hula.