Mayaƙan ISWAP sun sace yara mata da maza 20 a Jihar Borno

Daga: Muhammad Abdallah

ABUJA, Najeriya - Masu iƙirarin jihadi da ake zargin 'yan ƙungiyar ISWAP ne sun kashe mutum biyu sannan suka sace wasu yara 20 a kusa da garin Chibok na Jihar Borno ranar Alhamis.

Wani shugaban yankin ya faɗa wa manema labarai cewa maharan sun afka wa garin Piyemi, inda suka yi awon gaba da mata 13 da maza bakwai.

A cewar wani ganau, mayaƙan na Islamic State West Africa Province (ISWAP) sun afka wa garin ne da rana cikin kakin sojoji suna harbe-harbe tare da sace kayayyakin shaguna, sannan suka ƙona gidaje.

Wani mazaunin yankin mai suna Samson Bulus ya ce,

"Sun harbe mutum biyu kuma suka sace yara mata 13 da maza bakwai, shekarunsu zai kai 12 zuwa 15,"

Bayan sun sace kayan abinci sun xauke yaran sannan suka sanya su cikin wata mota qirar akori-kura sannan suka shiga daji da su.

Garuruwan Katsina, da Kaduna da Zamfara da Sokoto da Kebbi na fama da hare-haren varayin daji masu satar mutane don karvar kuxin fansa. Jihar Borno ta sha fama da hare-haren Boko Haram da ISWAP. Ko a can baya an sha sace xalibai ana yin garkuwa dasu don karvar kuxin fansa.

 Wasu Labarai:

1. Buhari Ya Miƙa Ta'aziyyarsa Ga Iyayen Hanifa Da Aka Kashe A Kano
   
2. Wata Mata ta Kashe kanta a Kano
   
3. An Sace Wani Basarake A Palato