Jarumar Fina-Finai Ta Zargi Kanta Da Ƙin Sake Yin Wani Aure

Hauwa’u Bello

ABUJA, Najeriya - Jarumar kudancin Najeriya a firar ta da yi a ranar 13 Janairu 2022 wadda aka fi sani da Caroline (Hutchings) Danjuma,  ta bayyana yadda ta ji bayan rabuwar aurenta, ta faɗi irin halin ƙunci da ta shiga bayan rabuwar ta da tsohon mijinta mai suna Musa Danjuma.

Jarumar a shafinta na Instagram ta ce, ta zargi kanta da rashin yin kyakkyawan zamantakewar aure ta kuma gane irin kuskuren da ta tafka bayan ta bar gidan aurenta, wanda sai daga bisani ta fahimci ba ƙaramin sakaci bane barin gidan miji.

A cewarta, ta sha fama da munanan kalamai da izgili daga abokai da kuma wasu mutane waɗanda ba su san ainihin abin da ya faru ba wanda ya yi sanadiyar rabuwar aurenta.

A shafinta ta rubuta cewa,

“Na zargi kaina da rashin yin kyakyawan zamantakewar aure, na ɗora wa kaina laifin duk da cewa lokacin auren na ɗauka bani da lafiya, amma sai bayan na rabu da gidan miji na fahimci cewa ba wata rashin lafiyar da ta same ni”

 Ta ƙara da cewa,

"Na yi addu'a ga Allah don ya yi mani taimako mafi mahimmanci sannan ya gafarta mani bisa zunuban da na aikata”

Rabuwar aure ga taurarin fim ba wani baƙon abu bane, ko baya-bayan nan Mansura Isa fitacciyar jarumar Kannywood wadda ta auri Sani Danja har suka samu haihuwa tare, ta bayyana yadda aurenta ya salwanta, ta kuma bayyana irin ƙuncin da ta shiga bayan rabuwarta da mijinta duk da yake kuwa ta ce har yanzu akwai kyakyawar alaƙa tsakaninta da tsohon mijinta. An sha ganinta a shafukan shada zumunta musamman TikTok tana bayyana halin zawarci da take ciki.

Wasu Labarai:

1. Abin da nake Dubawa Kafin in Yarda a Sumbace ni a Fina-finai — Queeneth Agbor
   
2. 'Yan Bindiga Suna Yin Shigar Mata Don Kai Hari A Yankunan Sokoto
   
3. An Kama Masu Ci da Saida Naman Mutum