Ɓarayi sun sace tsohon jami'in kwastam a Nijeriya

8 Janairu, 2022

Daga: Hauwa’u Bello

ABUJA, NIJERIYA - Wasu mutane da ake zargin ɓarayin daj ne masu satar mutane don karɓar kuɗin fansa sun sace wasu mutume biyar a hare-hare daban-daban da suka kai a ƙananan hukumomi biyu na Jihar Kwara.

A cikin rahoton da aka samu a Channels TƁ ya ce, harin na farko ya faru ne a Egbejila da ke kan hanyar ƙauyen Obate a Ƙaramar Hukumar Asa. A wajen harin an sace wani tsohon mataimakin kwanturola na kwastam mai suna Mohammed Zarma, an ɗauke tsohon kwasam ɗin ne a gonarsa inda yake kiwon kifin zamani. Wasu rahotanni sun ƙara da cewa, ɓarayin sun shiga gonar ne da bindigogi ƙirar AK-47 inda suka tafi dashi cikin daji.

Wasu Rahotanni

1. Fashewar Nakiya Ta Kashe Sojojin Ƙasar Nijar Huɗu
2. An Binne Mutane 143 da Yanbindiga Suka Kashe a Zamfara
3. Gobara ta laƙume kasuwar Nguru a Jihar Yobe

Wani hari makamancin wannan ya faru ne a kan hanyar Obo Aiyegunle zuwa Osi da ke Jihar Ekiti inda ɓarayi suka sace wani bakanike da matarsa mai ciki da kuma wasu mutum biyu da ke koyon sana'ar kanikanci.