Wasu Mafarauta Sun Kama Ɓarayin Daji A Kaduna

 Daga: Hauwa’u Bello

27 Disamba, 2021

KADUNA, NIJERIYA — Wasu mafarauta dake kauyen Udawa a ƙaramar hukumar Chikun a Jihar Kaduna dake Arewacin Nijeriya sun kama wani ɗan bindiga a wani daji da ke kan hanyar Kaduna zuwa Birnin Gwari.

Mafarautan sun kuɓutar da wasu mutum tara a ƙauyen waɗanda aka yi garkuwa da su a farmakin da suka kai wa ɓarayin dajin.

Jaridar Aminiya ta rawaito cewa mafarautan sun yi wa ɓarayin kwanton bauna bayan da suka far wa ayarin motocin matafiya a kan babbar hanyar.

Jihohin Katsina da Kaduna da Zamfara da Sokoto da Kebbi na fama da hare-haren ɓarayin daji masu satar mutane don karɓar kuɗin fansa.