Kasar China za ta Taimakawa Nijeriya Kan Matsalar Tsaro

 

16 Desamba, 2021

 

ABUJA, NIJERIYA - Ƙasar China ta ce za ta tura tawaga ta musamman ta ƙwararru kan binciken laifuka domin tattaunawa da hukumomin tsaron Najeriya.

Jakadan ƙasar China a Najeriya Cui Jianchun ne ya sanar da hakan a ranar Laraba inda ya ce China za ta yi haka ne saboda ta damu sosai a kan matsalolin tsaron da Nijeriyar ke fuskanta.

Mista Cui ya bayyana cewa wannan yunƙurin da China ke yi yana daga cikin dubban goyon bayan da take ba ƙasar wajen magance matsalolin tsaro, ya kuma ƙara da cewa ya ce, nan ba da daɗewa ba ƙwararrun za su zo ƙasar Najeriyar don fara aikin binciken matsalolin da suka addabi ƙasar na rashin tsaro.

Ko a cikin watan nan, saida wasu ɓarayi suka kashe tare da ƙona mutane ashirin da uku a Jihar Sokoto, lamarin da ya ja hankalin duniya inda mutane daga Arewa suka yi ta zanga-zangar lumana da kiraye-kiraye ga gwamnati a ɗauki mataki a kan rashin tsaro.